Electric Vehicle: इलेक्ट्रीक वाहनांच्या किंमती निम्म्याने कमी होणार

Electric Vehicle: इलेक्ट्रीक वाहनांच्या किंमती निम्म्याने कमी होणार

नवी दिल्ली – पेट्रोल आणि डिझेलचे वाढते दर यामुळे दुचाकीधारक असो वा चारचाकी मालक सर्वच त्रस्त झाले आहेत. त्यामुळे आता अनेकांचा ओढा इलेक्ट्रीक वाहनांकडे आहे. मात्र पेट्रोल-डिझेलसाठी जेवढे पैसे पुढील १० वर्षात लागतील, तेवढी किंमत इलेक्ट्रीक वाहन कंपन्या सुरुवातीला काढून घेतात. अर्थात इलेक्ट्रीक वाहनांच्या किंमती सध्या तरी अवक्याच्या बाहेर आहेत. मात्र आयआयटीमुळे वाढलेल्या किंमतीचा अडसर दूर होणार आहे.

सध्या सर्व कंपन्या त्यांच्या इलेक्ट्रीक वाहनांमध्ये ऑन बोर्ड चार्जर देतात. परंतु देशात उच्च क्षमतेच्या चार्जिंगची कमतरता असल्याने वाहनांना कंपन्यांच्या आऊटलेटवरच चार्ज करावे लागते. यामुळे वाहने खूप महाग होतात. मात्र यावर उपाय काढण्यात आला आहे.

वाराणसीच्या हिंदू विद्यापीठाच्या आयआयटीने तंत्रज्ञान नवीन शोधलं आहे. आयआयटीने ऑन बोर्ड चार्जरचे नवीन तंत्रज्ञान विकसित केले असून यामुळे दुचाकी किंवा चारचाकी इलेक्ट्रीक वाहनाची किंमत निम्म्याने कमी होऊ शकणार आहे.

 

आयआयटीच्या टीमने लॅबमध्ये ऑन बोर्ड चार्जर तंत्रज्ञानाची चाचणी घेतली असून ती यशस्वी झाली आहे.  नव्या तंत्रज्ञानामुळे वाहनांमध्ये ऑन बोर्ड चार्जर असेल, मात्र तो कमी वीज क्षमतेवरही काम करेल. या चार्जिंग टेक्नॉलॉजीमुळे वाहनांच्या किंमती कमी होतील.

या संशोधनात आयआयटी गुवाहाटी आणि भुवनेश्वरच्या तज्ज्ञांचे देखील योगदान आहे. आता उद्योगस्तरावर याचं काम सुरू करण्यात येणार आहे. इलेक्ट्रीक वाहने बविणाऱ्या देशातील आघाडीच्या कंपन्यांनी या संशोधनाची दखल घेतली आहे.

Shubham Gote

Mr. Shubham Gote is involved in the day-to-day operations of the company along with the business expansion strategies of the print media division of the group. He also supervises the performance of the company in terms of the business plans. He has been on the Board of the Company since November 2009.

Leave a Reply

Your email address will not be published.